Mat 6 | AAI | STEP | “Yate nanub, men iti baifa’i isan a bowabow gewasih sabuw nahimaim kwanabowamih, nati na’atube kwanasisinaf na’at, Tamat maramaim boro men a baiyan nitimih.

a 6.1 Mat 23.5

b 6.5 Mat 23.5; Luk 18.10-14

c 6.71Ki 18.26-29

d 6.8 Mat 6.32

e 6.10 Luk 22.42

f 6.12 Mat 6.14-15; 18.21-35

g 6.13 Luk 22.40; Jas 1.13; Jn 17.15; 2Th 3.3; 2Tim 4.18

h 6.14 Mak 11.25-26

i 6.16Isa 58.5-9

k 6.19 Jas 5.1-3

l 6.20 Mat 19.21; Luk 18.22

m 6.25 Php 4.6; 1Tim 6.6-8; 1Pit 5.7

n 6.26 Mat 10.29-31; Luk 12.6-7

q 6.291Ki 10.4-7; 2Ch 9.3-6

r 6.32 Mat 6.8

s 6.331Ki 3.11-14; Psa 37.4, 25; Rom 14.17

Matthew 6

Yababan Wairafih Baibaisih Ana Bai’obaiyen

1 ^a “Yate nanub, men iti baifa’i isan a bowabow gewasih sabuw nahimaim kwanabowamih, nati na’atube kwanasisinaf na’at, Tamat maramaim boro men a baiyan nitimih.

2 “Imih veya ta akir wairafin sawar inabitin men inakurereb sabuw etei hinanowaramih, men sabuw wanawanah rerekabih Kou’ay Bar wanawanan, naatu ef gagamih yahimaim sabuw itih baifa’ih isan tisisinafube kwanasinafumih, anababatun a tur ao’owen, nati sabuw i boro men hai siwar ta God nitihimih. 3 Isan imih akir wairafin inabibais, wa’iwa’iramaim inibais, saise a’of iti sisib ema’am men naso’ob o abisa kusisinaf. 4 Iti sawar i wa’iwa’iramaim inasinaf, saise Tamat maramaim o abisa wa’iwa’iramaim isisinaf na’iti boro a baiyan nit.

Jesu Yoyoban Ibi’obaiyih

(Luke 11.2-4)

5 ^b “Naatu yoyobanamih men wanawanah rerekabih tisisinafube, kwanasinafumih, anayabin i tekokok Kou’ay Bar wanawanan hinabat hinayoyoban, o ef na’ih awah kaukusebamaim hinabat hinayoyoban, saise sabuw hina’itih, baise anababatun a tur ao’owen, nati sabuw hai baiyan i hibaika. 6 Baise o yoyobanamih a bar inarun, etawan inahir, Tamat wa’iwa’iramaim ema’am isan inayoyoban, naatu Tamat abisa wa’iwa’iramaim isinaf i’itin boro a baiyan nit. 7 ^cNaatu yoyobanamih men a tur nidun namomonamih, Eteni Sabuw iyab God men hisusu’ub i na’atube tisisinaf. Tenotanot yoyoban manin hinayoyoban God boro hai yoyoban nanowar. 8 ^dMen i hai sinaf kwani’u’ur, anayabin abisa inotanot Tamat i so’obabo o kubifefeyan. 9 Imih iti na’atube kwanayoyoban,

‘Tamai maramaim,
O wab i kakafiyin.
10 ^eA aiwob tan,
tafaramamaim a kok atasinaf,
maramaim tisisinaf na’atube,
11 Biyai ana fair isan mar etei ai bay initi.
12 ^fAi kakafih kunotawiyen,
taituwai hai kakafin anonotawiyen na’atube.
13 ^gMen routobonamaim inanawiyi’imih,
baise kakafihine inatar fafari, a aiwob, a fair, a marakaw nama wanatowan,Amen.’
14 ^h “Taituwa o isa bowabow kakafin hisisinaf inanotawiyen, Tamat maramaim o a kakafih auman boro nanotawiyen. 15 Baise hai kakafih men inanotanotwiyen na’at, o a kakafin auman Tamat boro men nanotawiyen.

Foufur Ana Bai’obaiyen

16 ⁱ “Kwanayoyohar ^{▼▼6.16bay kwanabitafutaf} ana veya men sabuw wanawanah rerekabih kwani’u’urih, anayabin nati na’atube teyoyohar, saise taituwah hina’itih yoharayah hinarouw hinifa’ih isan. Anababatun a tur ao’owen nati sabuw hai baiyan i hibaika. 17 Baise kwanayoyohar ana veya yumat kwanasouwen arib raiy kwanay kwanisuwar, 18 saise sabuw afa boro men hina so’ob kwa i kwayoyohar, baise Tamat wa’iwa’iramaim ema’ama, o abisa akisimo isinaf i’itin boro a baiyan nit.

Maramaim I Sawar Moumurih

(Luke 12.33-34)

19 ^k “A sawar gewasih iti tafaramamaim inaya inatototo, ganidor boro na’aan fufur naatu simur boro na’arah, naatu bainowah auman boro a bar hinakwib hinarun a sawar hinabain. 20 ^lImih a sawar etei maramaim inaya inatoto, saise ganidor boro men hina’aan, naatu simur boro men na’arah, naatu bainowah boro men a bar hinakwib hinarun hina bainuwihimih. 21 A toto abuyoy menamaim kuya’aya, o dogor boro imaim mar etei nama.

Matat I Biyat Ana Marakaw

(Luke 11.34-36)

22 “Matat i biyat ana hinow, matat gewasin, biyat etei boro marakawin. 23 Baise matat kakafin, biyat tutufin etei boro gugumin kakafin, naatu nati gugumin i wanu’umin kakafin.

Orot Rou’ab Isah Men Kwanabow

(Luke 16.13; 12.22-31)

24 “Orot ta’imon men karam boro orot gagamih rou’ab isah nabow, ana gewasin orot ta i boro nakwahir, naatu orot ta isan niyabow, orot ta ana tur i boro nanowar naatu orot ta boro nifutuw.

Men Kwaniyababan

25 ^m “Isan imih a tur ao’owen, ayawas isan men kwaniyababan, a tom isan, biya isan, naatu ar faifuw isan. Kwanotanot yawas i sawar gagamin ar faifuw naatu a tom hairi natabirih? 26 ⁿKwanuw mamu kwa’itah, men masaw tebob naatu men masaw tefafour, na’atube aurih bay ana korom en ^{▼▼6.26bay ya’aya ana bar} baise Tamat maramaim kaifih bay ebitih. Imih kwa i men mamu ekakaifih na’atube ekakaifimih. 27 Imih yababan men karam boro a yawas nakumanin kwanama’amih ^{▼▼6.27nara’at, nawarorom}

28 “Naatu aisim ar faifuw isah kwabiyababan? Sigar beran kwanuw kwa’itih, men kafai hibow raro’oh ebababan, o biyah isan ar faifuw tesasakiramih. 29 ^qBaise a tur ao’owen, aiwob orot Solomon toto buyoy wairafin, ana faifuw eo’osen i men ta iti beran ana gewasinabe’emih. 30 God kaiyar fotan ebi’osen wainih kwana’itin, fotan iti boun natasasar, maras boro nakimow nare wairaf wan hinayara’aten hina’arah. Baise kwa i Tamat God uman yanamaim ekakaifi, aisim men kwabitumitum? 31 Imih men kwaniyababan kwanao, au ar au faifuw boro menamaim anabow ana’osen, naatu bay boro menamaim anabow ana, harew menamaim anahun anatom? 32 ^rEteni Sabuw i sawar iti isah tibiyababan, naatu Tamat maramaim kwa a yababan etei i so’ob. 33 ^sBaise wan i mar ana aiwob naatu ma gewasin ^{▼▼6.33yawas mutufurin, ef mutufurin} kwananuwih kwanab, naatu sawar iti etei boro tafan naya’abar nit kwanabow. 34 Isan imih maras isan men kwaniyababan, anayabin maras ibo akisin ana yababan. Na’atube veya ta’ita’imon hai yababan men inabo’ay inanot a yababan nara’atamih.